अर्घाखाँचीडट्कम संवाददाता
अमराई, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका भित्रका सम्पुर्ण पसलहरु अब प्रत्येक शनिबार बन्द गरिने भएको छ । यो नियम आगामी शनिबारदेखि लागु गरिने छ ।
शितगंगा उद्योग बाणिज्य संघको मंगलवार बसेको बैठकले आउदो शनिबारदेखि प्रत्येक शनिबार शितगंगा भित्रका सम्पुर्ण पसलहरु बन्द गर्ने निर्णय गरेको हो ।
यसअघि शितगंगा भित्रका पसलहरु हरेक दिन खुल्दै आएका थिए ।
सितापुर
यस्तै शितगंगा उद्योग बाणिज्य संघको आगामी पुस १० गते गर्ने भनिएको दोस्रो अधिवेशन एक महिनाको लागि स्थगित भएको छ ।
शितगंगा उद्योग बाणिज्य संघको दोस्रो अधिवेशन आगामी माघ १० गते गर्ने गरी स्थगित भएको हो ।
बिशेष कारणले गर्दा पुस १० गते गर्ने भनिएको स्थगित गरि माघ १० गते सारिएको संघका अध्यक्ष चिन्तराज अधिकारीले अर्घाखाँचीडट्कमलाई जानकारी दिनु भयो ।
नियमित अधिवेशन अन्तर्गत दोस्रो अधिवेशनको मिति माघ १० गतेलाई तय गरिएको अधिकारीले बताउनुभयो ।
शितगंगा नगरपालिका ४ अमराईमा मुख्य कार्यालय स्थापना गरी व्यापारीहरुको हकहितको लागि काम गर्ने उद्देश्यले २०७५ सालमा तर्दथ समिति चयन गरी उक्त समितिलाई नै पुर्णता दिइएको थियो ।
अर्को मिति माघ १० गतेलाई तय भएसगै अबको नेतृत्वको विषयमा आन्तरिक रुपमा तयारी थालिएको जनाइएको छ ।
साधारण सभा तथा अबिधेसन तय गरे अनुसार उद्योग बाणिज्य संघमा दर्ता नभएका नयाँ ब्यवसायीहरुका लागी पुस २५ सम्म दर्ता गर्न समय दिएको छ । भने यसअघि मंसिर ३० गतेसम्म नबिकरण गर्न सक्ने समय दिइएको थियो ।
हाल शितगंगा उद्योग बाण्ज्यि संघमा ३५० भन्दा बढी सदस्य रहेका छन् ।
पौष १ गते, २०७७ मा प्रकाशित
