अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिकाले नगर सरसफाई हरियाली प्रवर्धन र शहरी सौन्दर्यकरण कार्यक्रमको शुरुवात गरेको छ ।
नगरपालिकाले नगर सरसफाई हरियाली प्रवर्धन र शहरी सौन्दर्यकरण कार्यक्रम अन्तरगत आज शनिबार चुत्राबेसीको गुण्टिखोला क्षेत्रमा पाणिनी टोल विकास संस्थाको सक्रिय सहभागीतामा सघन सरसफाई कार्यक्रम सम्पन्न गरेको हो ।
आजको सरसफाई कार्यक्रममा सन्धिखर्क नगर प्रमुख कमल प्रसाद भुसाल, उप प्रमुख ठाकुर कुमार बि.क.,प्रमुख प्रशासकीय अधिकृत कृष्णप्रसाद सापकोटा, सन्धिखर्क नगरपालिका वार्ड नम्बर १ का काबा अध्यक्ष लक्ष्मण पराजुली लगायतका जनप्रतिनिधिहरु तथा स्थानियको सहभागीता रहेको थियो ।
यस्तै आगामी शनिवार बसपार्क वरपरको क्षेत्रमा सघन सरसफाई कार्यक्रम हुनेछ ।
पौष ४ गते, २०७७ मा प्रकाशित
