केशव घिमिरे
खाँचीकोट अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपलिका वार्ड न . ७ खाँचीकोटमा रहेको चन्द्रप्रभा खाँचीकोट युबा क्लबले वृद्ध तथा बिपन्न परिबारका बालबालिकाहरुलाइ राहत बितरण गरेको छ ।
गाउँमा हरेक तह र तप्काबाट सहयोग गर्दै आएको क्लबले आज चन्द्र प्रभा मा. बि.मा अध्ययनरत खानि गाउँका बिद्धार्थी र २ जना बृद्ध बृद्धालाई राहत बितरण गरेको हो ।
राहत पाउनेको सहजताका लागि खानी गाउँको मुक्ती आधारभुत बिधालयमा गरिएको राहत बितरण कार्यक्रमको सभापतित्व चन्द्रप्रभा खाँचीकोट क्लबका अध्यक्ष त्रिलोक सिंहले गर्नुभएको थियो भने कार्यक्रममा प्रमुख अथिती सोही बिधालयका प्र अ नित्त्यानन्द चुदाली र अथितिहरुमा कृष्ण आचार्य, बसन्त मल्ल, गोबिन्द नेपाली र केशव घिमिरे हुनुहुन्थ्यो ।
उक्त कार्यक्रममा ८८ बर्षिय वृद्ध लुर बहादुर परियार र ७८ बर्षिय बृद्धा जमुना आचार्यलाई तातो कपडा र खुशी आचार्य लगायतलाइ शैक्षिक सामग्री र बिपन्न परिबारका बिनोद नेपाली , दिपक नेपाली लगायतका बालबालिकालाइ ड्रेस बितरण गरिएको थियो ।
कार्यक्रममा क्लबका सदस्यहरु बिकास के. सि. , रिता भट्टराई , अभिषेक शाह, लालकृष्ण भट्टराई , सर्स्वता शाह , कृष्ण आचार्य , लोक बहादुर परियार लगायतको उपस्थिती थियो ।
कार्यक्रमको संचालन क्लबका सचिब केशब घिमिरेले गर्नुभएको थियो भने कार्यक्रममा मन्तब्य राख्दै क्लबका उपाध्यक्ष बिकास के. सि . ले समाजमा भएका गरिब गरिब दुखिहरुलाइ आफुले र क्लबले पनि सेवा गर्ने बताएका थिए र अन्य अथितिहरुले पनि दुखी र बिपन्नको सेवा गर्नुपर्ने र क्लबले कोभिडको बेला देखि अन्य सडक ,खानेपानी का क्षेत्रमा गरेका , कामको खुलेर प्रशंसा गरेका थिए ।
पौष ४ गते, २०७७ मा प्रकाशित
