सचिन बोहोरा
सितापुर, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड न.२ सितापुरमा एक बर्ष अगाडि आएको बिशेष नापी टोलीलाई आईतवार एक कार्यक्रमका बिच बिदाई गरिएको छ ।
कार्यक्रममा बोल्दै बिशेष अतिथी टोली प्रमुख बिमल दाहालले सितापुर आएर एक बर्षको बिचमा काम गर्दा जनप्रतिनिधि, स्थानिय राजनीतिक दल, समाजसेवी लगायत सबैको धेरै सहयोग पाइएकोले काम गर्न निकै सजिलो भएको बताउनु भयो ।
साथै उहाले वडाको धेरै जसो काम गरेको र बाटो लाइनको जग्गाहरु सडकको कारणले नाप जाँच भएको दर्ता गर्न नसकिएको बताउनु भयो ।
साथै नक्सा सहितको नयाँ लाल पुर्जा बितरण फागुन सम्म गरिने बताउनु भयो ।
कार्यक्रममा विशेष अतिथी शितगंगा नगरपालिका कार्यपालिका सद्स्य राम बहादुर दर्नाल अतिथीहरु यदु प्रसाद काश्यप, राम राज घिमिरे , मीन राज घिमिरे, लगायतको उपस्थित रहेको थियो ।
कार्यक्रममा बोल्दै वार्ड अध्यक्ष गोबर्धन थापाले सितापुर आएर एक बर्ष बसी जनताको काम छिटो र सुविधाजनक तरिकाले गरेकोमा सम्पुर्ण टिमलाई धन्यवाद दिनुभएको थियो।
कार्यक्रम वडादक्ष्य गोबर्धन थापाको अध्यक्षता र सचीव ऋषि राम भुसालको संचालनमा सम्पन्न भएको थियो ।
पौष १३ गते, २०७७ मा प्रकाशित
