केशब बन्जाडे / अर्घाखाँचीडट्कम संवाददाता
धारापानी, अर्घाखाँची (अर्घाखाँचीडट्कम) । अर्घाखाँची जिल्लाको भूमिकास्थान नगरपालिका वार्ड नम्बर ३ धारापानीको रातामाटा जाबुनडाँडाकी एक महिला बेपत्ता भएकी छिन् ।
धारापानीको रातामाटा जाबुनडाँडाकी लक्ष्मी भुसाल २ बर्षकी छोरी सहित गत पुस २ गतेदेखि बेपत्ता भएकी हुन् ।
लक्ष्मी सदरमुकाम सन्धिखर्कबाट माईतीमा हजुरबुबा सिकिस्त बिरामी हुनुहुन्छ भेट्न जान्छु भनेर घरबाट हिडेकी थिईन् । तर अहिलेसम्म माईतीमा पनि नगएको र छरछिमेकीको घरमा पनि नगएको परिवारले बताएको छ ।
श्रीमान शालिकराम भुसाल रोजगारीको सिलसिलामा भारतमा छन् ।
परिवारले लामो समयसम्म पनि फेला पर्न नसकेपछि प्रहरीकोमा खोजी गरिदिन निवेदन दिएका छन् । साथै कसैले देखेमा अर्घाखाँची जिल्ला प्रहरीमा वा ९८६७३३२१७९ मा खबर गरिदिनु परिवारले अनुरोध गरेको छ ।
पौष १३ गते, २०७७ मा प्रकाशित
