अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाबाट आजसम्म ७०१ जनाले कोरोना जितेर घर फर्केका छन् । जसमा सन्धिखर्क नगरपालिकामा ३४० जना, शितगंगा नगरपालिकामा १०३, भूमिकास्थान नगरपालिकामा १२७, मालारानीमा ७८, पाणिनी गाउँपालिकामा १९ र छत्रदेव गाउँपालिकामा ३४ जनाले कोरोनालाई जितेका हुन् ।
यस्तै जिल्लामा आजसम्म संक्रमितको संख्या ७५५ जना पुगेको छ । जसमा सन्धिखर्क नगरपालिकामा ३५९ जना, शितगंगा नगरपालिकामा १०६, भूमिकास्थान नगरपालिकामा १३२, मालारानीमा ८४, पाणिनी गाउँपालिकामा ३३ र छत्रदेव गाउँपालिकामा ४१ जना संक्रमित रहेका छन् ।
जिल्लामा कोरोनाका कारण १३ जनाको निधन भएको छ ।
मंगलबारसम्म जिल्लाका बिभिन्न स्थानका आईसोलेशनमा ४१ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
पौष २१ गते, २०७७ मा प्रकाशित
