अर्घाखाँचीमा आज १६ जनाले कोरोना जिते, जिल्लामा कोरोना जित्नेको संख्या ७२३ जना, ३७ जना सक्रिय संक्रमितहरु उपचाररत (सम्पूर्ण विवरण सहित)

सन्धिखर्क, अर्घाखाँची  (अर्घाखाँचीडट्कम) । अर्घाखाँची जिल्लाको सन्धिखर्कमा १ जना, शितगंगा १ जना, भूमिकास्थानमा १ जना, पाणिनीमा ९ जना र छत्रदेवमा ४ जना गरी १६ जनाले कोरोना जितेका छन् ।      

यो सँगै  जिल्लाबाट आजसम्म  ७२३  जनाले कोरोना जितेर घर फर्केका छन् ।  जसमा सन्धिखर्क नगरपालिकामा ३४७  जना, शितगंगा नगरपालिकामा १०४,      भूमिकास्थान नगरपालिकामा १२८, मालारानीमा ७८, पाणिनी गाउँपालिकामा २८ र छत्रदेव गाउँपालिकामा ३८  जनाले कोरोनालाई जितेका हुन् ।  

यस्तै जिल्लामा आजसम्म संक्रमितको संख्या ७७३ जना पुगेको छ । जसमा सन्धिखर्क नगरपालिकामा ३६५ जना, शितगंगा नगरपालिकामा १०६,     भूमिकास्थान नगरपालिकामा १३२,  मालारानीमा ८५,     पाणिनी गाउँपालिकामा ३३   र छत्रदेव गाउँपालिकामा ५२ जना संक्रमित रहेका छन् ।   

जिल्लामा  कोरोनाका कारण १३ जनाको निधन भएको छ । 

बुधवारसम्म जिल्लाका बिभिन्न स्थानका आईसोलेशनमा ३७ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।