काठमाडौं । बिहानैदेखि बढेको चिसोका कारण चन्द्रागिरीमा हिउँ परेको छ । हिउँ परेपछि घुमघामका लागि चन्द्रागिरी हिल्स पुगेका पर्यटकले हिउँ खेलेका छन् ।
पश्चिमी न्यून चापीय प्रणालीको प्रभावका कारण शनिबार बढी चिसो भएको जल तथा मौसम विज्ञान विभागको मौसम पूर्वानुमान महाशाखाले जनाएको छ ।
महाशाखाका अनुसार शनिबार प्रदेश १ का धेरै स्थानहरु तथा प्रदेश २, बागमती प्रदेश र गण्डकी प्रदेशका केही स्थानहरुमा हल्का वर्षा भइरहेको छ ।
यस्तै देशका उच्च पहाडी र हिमाली भू–भागका केही स्थानमा हल्का देखि मध्यम हिमपात भइरहेको महाशाखाले जनाएको छ ।
महाशाखाले राति पनि केही स्थानमा वर्षा र उच्च पहाडी भू–भागमा हिउँ पर्ने जनाएको छ । इमेजखबरबाट
माघ २४ गते, २०७७ मा प्रकाशित
