अर्घाखाँचीमा कांग्रेसको बिरोधसभा सम्पन्न | कांग्रेसको नेतृत्वमा आएको संविधान ओलीले निल्न खोजे-पुष्पा भुसाल (फोटो फिचर)

सो कार्यक्रममा नेपाली काङ्ग्रेस केन्द्रिय सदस्य पुष्पा भुसालले काङ्ग्रेसको नेतृत्वमा लेखिएको संविधान ओलीले निल्न खोजेको आरोप लगाएकि छन् ।   उनले  शेरबहादुर देउवाको भनाई  स्मरण गर्दै  कम्युनिस्टलाई  भोट दिएर जिते भने बोल्न पाइदैन भनेको आज ठ्याक्कै उस्तै भएको बताइन् ।

निर्वाचनको गर्भबाट जन्मेको सर्वसत्तावादी सरकार अहिलेको कम्युनिस्ट सरकार भएको भन्दै भुसालले सरकार मिडियाको मुख थुन्न र जेल हाल्न उद्दत रहेको जनाइन् । जनताको अधिकार बोल्ने मिडियाको अधिकार संसद बाट पास हुन आफुहरुले रोकेको तर अहिले सरकारले मिडिया सम्बन्धी कानुन अध्यादेश मार्फत ल्याउन खोजेको भन्दै उनले  खबरदार जनताको आवाज बोल्ने मुख थुन्न पाइदैन भनेर चेतावनी दिइन ।म  भ्रष्टाचार गर्दिन र गर्न पनि दिन्न भन्न्ने ओलिले मेलम्ची , ओम्नि काण्ड , सत्तरी करोड काण्ड लगायतलाई संरक्षण गर्दै उनिहरुलाइ सुरक्षा गर्छु भनेर भ्रष्टाचारिलाइ ढाडस दिएको उनले आरोप लगाइन ।

संविधान लिगमा ल्याएर जस्ता पनि समस्या समाधान गर्न काङ्ग्रेस तयार रहेको भन्दै नेता रेवती प्रसादले बरु काङ्ग्रेस हार्न तयार रहेको तर निरंकुशतालाइ साथ दिएर जित्नुको कुनै अर्थ नरहेको बताए । उनले प्रतिगमन एक दिनको होइन चरणबद्द रुपमा गरिदै आएको थियो भन्दै काङ्ग्रेसले बिभिन्न समयमा आवाज उठाइरको थियो तर त्यति बेला दाहाल नेपाल चुप लागेर आफ्नै पार्टीका निरंकुशलाइ संरक्षण गर्दा यो अबस्था आएको उल्लेख गरे । जनताका अधिकार कुल्चिनु , मिडियाका अधिकार सिमित गर्नु लगायतका निर्लज्ज काम ओलिले पहिला पनि गरिरहेका थिए भन्दै उनले अहिले त ओलि झनै उग्र बन्दै गएको बताए ।