अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर १ र २ मा कृषकहरुलाई टिलर र वाटर पम्प बितरण गरिएको छ ।
सन्धिखर्क स्मार्ट कृषि गाउँ समिति सन्धिखर्क नगरपालिका वार्ड न १ र २ मा सन्चालन भएको कार्यक्रम अन्तरगत यहाँका कृषकहरुलाई टिलर र वाटर पम्प बितरण गरिएको हो ।
कृषकहरुलाई टिलर र वाटर पम्प बितरण प्रदेश सभा सदस्य रामजी प्रसाद घिमिरेले गर्नु भएको थियो ।
कार्यक्रममा सन्धिखर्क- १ का वडाअध्यक्ष युबराज बन्जाडे, ओली पक्ष नेकपा नगरकमिटी अध्यक्ष श्रीकृष्ण भुसाल, कार्यक्रमका अध्यक्ष प्रेमनारायण भुसाल कृषिग्यान केन्द्रका प्रतिनिधि नारायण भुसाल लगायतको उपस्थिति रहेको थियो ।
कार्यक्रममा २० थान मिनि टिलर र १५ थान वाटर पम्प कृषकहरुलाई बितरण गरिएको थियो ।
फाल्गुन ४ गते, २०७७ मा प्रकाशित
