अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड नम्बर ६ जुकेना निवासी पुराना बामपंथी नेता टिकाराम भुसालको १०६ वर्षको उमेरमा निधन भएको छ ।
जुकेना निवासी पुराना बामपंथी आन्दोलनका लोकतान्त्रिक नेता तथा कम्युनिस्ट पार्टीका संरक्षक टिकाराम भुसालको १०६ वर्षको उमेरमा बिहीवार निधन भएको हो ।
भुसाल नेपाली कम्युनिष्ट आन्दोलनमा अर्घाखाँचीबाट शसक्त भूमिका खेलेका पुराना वामपन्थी नेता हुन् ।
भुसाल पञ्चायती व्यवस्था ढाल्नका लागि भएको २०४६ सालको जनआन्दोलन हाँक्ने संयुक्त वाममोर्चाको लागि एमालेको महत्वपूर्ण जिम्मेवारीमा रहेर जनताको सेवा गर्ने वामयोद्धा थिए ।
फाल्गुन ६ गते, २०७७ मा प्रकाशित
