टेकराज भुसाल/अजय केसी
धारापानी, अर्घाखाँची (अर्घाखाँचीडट्कम) । अर्घाखाँची जिल्लाको भुमिकास्थान नगरपालिका वार्ड नम्बर ४ धारापानीमा अवस्थित श्री शान्ति माध्यमिक बिद्यालयकाे ६२ औं वार्षिकोत्सब समारोह सम्पन्न भएको छ।
धारापानीमा अवस्थित श्री शान्ति माध्यमिक बिद्यालयकाे ६२ औं वार्षिकोत्सब समारोह फागुन १३ गते बिहीबार सम्पन्न भएको हो ।
शिक्षक श्रीकृष्ण प्रसाद बन्जाडेकाे सञ्चालन र बिद्यालय व्यवस्थापन समितिका अध्यक्ष सागर केसीकाे अध्यक्षता सम्पन्न भएको कार्यक्रममा भुमिकास्थान नगरपालिकाका प्रमुख प्रशासकीय अधिकृत लिला राउत, भुमिकास्थान ४ का वडा अध्यक्ष बाबुराम पन्थि, ३ का वडा अध्यक्ष बालकृष्ण बन्जाडे लगायतको आतिथ्यता रहेको कार्यक्रममा बिद्यालयका प्राचार्य डिलाराम पन्थीले बिद्यालयकाे आर्थिक, भाैतिक तथा शैक्षिक प्रतिवेदन प्रस्तुत गर्नुभएको थियाे।
समारोहमा उत्कृष्ट बिद्यार्थीलाई वार्षिक पुरस्कार वितरण तथा अक्ष्यकाेष छात्रवृत्ति वितरण गर्नुका साथै बिद्यालयले सञ्चालन गरेका भलिबल, कब्बडि, हाइजम्प जस्ता खेलमा बिजेता हुने टिमलाई पुरस्कार वितरण गरेकाे बिद्यालयले जानकारी दिएको छ।
फाल्गुन १४ गते, २०७७ मा प्रकाशित
