केशब राज ज्ञवाली
कुर, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर २ कुर बेहोरेमा रहेको मन्जरी युवा क्लबद्वारा महाशिबरात्रीको अबसरमा विभिन्न खेलकुदका कार्यक्रमहरु आयोजना गरिएको छ ।
सन्धिखर्क २ कुर स्थित नाचिनी डांडामा गरिएको सो कार्यक्रममा भलिबल, कुर्सी दौड, घैंटो फुटाउने, रसि तानातान जस्ता कार्यक्रमहरु आयोजना गरिएको थियो ।
भलिबल खेलमा मन्जरी युवा क्लब ए समूह बिजयि भएको थियो भने रसि तान्ने प्रतियोगितामा बन्धु नेपालिको समूह बिजयी भएको थियो ।
सम्पुर्ण खेलका बिजयी हरुलाइ सन्धिखर्क वार्ड नम्बर २ का वार्ड अध्यक्ष मोतिजङ रायमाझीले पुरस्कार बितरण गरेका थिए ।
उक्त क्लबले प्रत्येक बर्ष महाशिबरात्रीको अबसरमा विभिन्न खेलकुद प्रतियोगिता गर्दै आइरहेको छ ।
फाल्गुन २८ गते, २०७७ मा प्रकाशित
