अर्घाखाँचीडट्कम संवाददाता
ढाकवाङ, अर्घाखाँची (अर्घाखाँचीडट्कम) । अर्घाखाँची जिल्लाको भूमिकास्थान नगरपालिका वार्ड नम्बर २ ढाकवाङमा ने.क.पा. एमालेका युवाहरु राष्ट्रिय जनमाेर्चामा प्रवेश गरेका छन् ।
ने.क.पा. एमाले ढाकावाङ्गका युवा नेता गणेश सुनार लगायत युवाहरु आज एक कार्यक्रमका बिच राष्ट्रिय जनमाेर्चामा प्रवेश गरेका हुन् । गणेश एमालेका चल्ताफुर्ता युवा नेता तथा व्यवसायी हुन् ।
प्रवेशीलाई राष्ट्रिय जनमाेर्चाका युवा नेता तथा समाजसेवी कविराम खनालले राष्ट्रिय जनमाेर्चाकाे सदस्यता र अविर लगाएर प्रबेश गराउनु भएको छ ।
उता थोरै मतले मेयर पदमा पराजित कविराम खनाललाई भूमिकास्थान नगरपालिकाका जनताको मत जितेका छन् । यहाँ एमाले, कांग्रेस पक्षका स्थानियबासीहरुले खनाललाई भोट् नदिएर गल्ती गरेको महसुस भएको बताउदै आएका छन् । भने आगामी निर्वाचनमा खनाल मेयर पदमा उठे उनले चुनाव जित्ने सुनिश्चित जस्तो नै भएको बताइएको छ ।
चैत्र ३ गते, २०७७ मा प्रकाशित
