प्रेमनारायण आचार्य
सन्धिखर्क, अर्घाखाँची ५ चैत । प्रधानमन्त्री रोजगार कार्यक्रमबाट अर्घाखाँचीको सन्धिखर्क नगरपालिकामा ६ सय २५ जनाले रोजगारी पाएका छन् ।
आज बिहिबार वडा नम्वर १ र २ को प्रधानमन्त्री रोजगार कार्यक्रमको परिचय पत्र वितरण तथा अभिमुखीकरण कार्यक्रम सम्पन्न भएको छ ।
कार्यक्रममा सन्धिखर्क नगरपालिकाका नगर प्रमुख कमल प्रसाद भुसाल, प्रमुख प्रशासकीय अधिकृत कृष्ण प्रसाद सापकोटा, वडा नम्वर २ का अध्यक्ष मोतिजंग रायमाझि, वडा सदस्य लक्ष्मण पराजुली, रोजगार संयोजक हिरामणि पराजुली लगायतले मन्तब्य राखेका थिए ।
कार्यक्रम वडा नम्वर १ का वडा अध्यक्ष युवराज बन्जाडेको अध्यक्षता र वडा सचिव पुस्पा भुसालको सञ्चालनमा सम्पन्न भएको हो ।
चैत्र ५ गते, २०७७ मा प्रकाशित
