प्रेमनारायण आचार्य
चुत्राबेसी, अर्घाखाँची ५ चैत । सन्धिखर्क नगरपालिकाको वडा नम्वर २ चुत्राबेसीमा फोहोर वर्गीकरण सम्बन्धि अभिमुखीकरण कार्यक्रम सम्पन्न भएको छ ।
वार्ड नम्वर २ भित्र रहेका टोल सुधार समितिका अध्यक्ष तथा पदाधीकारीको सहभागिता रहेको कार्यक्रममा घरबाट निस्कने तथा घर बाहिर हुने फोहोरलाई कसरी बर्गीकरण गर्ने र ब्यबस्थापन गर्ने भन्ने विषयमा अभिमुखीकरण प्रदान गरिएको थियो ।
कार्यक्रममा नगर प्रमुख कमल प्रसाद भुसाल, प्रमुख प्रशासकीय अधिकृत कृष्ण प्रसाद सापकोटा, स्वास्थ्य शाखा प्रमुख पुर्ण पराजुली , हेमराज भुसाल लगायतले फोहोर बर्गीकरण र सरसफाईको बारेमा जानकारी गराउनु भएको थियो ।
कार्यक्रम वडा नम्वर २ का अध्यक्ष मोतिजंग रायमाझिको अध्यक्षता र सचिव धर्मराज भुसालको सञ्चालनमा सम्पन्न भएको हो ।
चैत्र ५ गते, २०७७ मा प्रकाशित
