कमल क्षेत्री / अर्घाखाँचीडट्कम संवाददाता
सिमलपानी, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड नम्बर १४ सिमलपानीको करचुलीमा नेकपा एमालेबाट निर्वाचित वार्ड सदस्य लाल बहादुर पाण्डेले गाली गलौज गर्ने र स्थानियबासीलाई दुर्व्यवहार गर्दै आएका छन् ।
शितगंगा नगरपालिका वार्ड नम्बर १४ का नेकपा एमालेबाट निर्वाचित वार्ड सदस्य लाल बहादुर पाण्डेले दैनिक जसो मदिरा सेवन गरी गाँउको राजा हुँ भन्दै गाली गलौज तथा स्थानियबासीलाई दुर्व्यवहार गर्दै आएका हुन् ।
पाण्डे वार्डका कार्यक्रम होस् या प्राय दिउसो, साँझ मदिरा सेवन गरि लठ्ठ परेका देखिन्छ । भने गाउँमा केटा – केटी युवा युवतीहरु, महिलालाई गाली गलौज गर्ने, दुर्व्यवहार गर्ने गर्दछन् । अर्घाखाँचीडट्कमलाई प्राप्त अडियोमा उनले अश्लिल शव्द प्रयोग गदै गाली गलौज गर्ने, दुर्व्यवहार गरेका छन् । उनले सुन्नै नसक्ने शव्द प्रयोग गरेका छन् । वार्ड सदस्य पाण्डेले गाली गलौज सहित हातपातको प्रयास गर्छन् ।
यहाँ कयौ पटक मदिरा सेवन गरि स्थानियबासीसँग भनाभन गाली-बेइज्जती हुँदा झगडा पनि हुने गरेको छ ।
साथै सिमलपानीको करचुलीका स्थानियबासीहरु वार्ड सदस्यलाई कानुनी कारबाहीको माग गरेका छन् ।
चैत्र १० गते, २०७७ मा प्रकाशित
