टेकराज भुसाल
ढाकावाङ्ग, अर्घाखाँची (अर्घाखाँचीडट्कम) । अर्घाखाँची जिल्लाको भूमिकास्थान नगरपालिका ढाकावाङ्गमा पिपलनेटा बजार व्यवस्थापन समितिले आयोजना सम्पन्न प्रथम पिपलनेटा भलिबल प्रतियोगिताको उपाधी अखिल नेपाल खेलकुद महासंघले हात पारेको छ। सन्धिखर्क १२ काे टिमलाई ३-१ सेटमा हराउदै खेलकुद महासंघले उपाधि हात पारेकाे हाे।
उपाधीसँगै खेलकुद महासंघले नगद रु ५१ हजार, शिल्ड, मेडल र प्रमाणपत्र सहित पुरस्कृत भएको छ। उपविजेता सनपा-१२ ले नगद रु ३१ हजार, शिल्ड, मेडल र प्रमाणपत्रमा र तृतीय आयोजक पिपलनेटा बजार व्यवस्थापन समितिले नगद रु २१ हजार शिल्ड, मेडल र प्रमाणपत्रमा चित्त बुझाएको छ।
भुमिकास्थान १ ढाकावाङ्गमा स्थित विश्व माध्यमिक बिद्यालयकाे मैदानमा भएको चैत १३ देखि १५ गतेसम्म चलेको प्रतियोगितामा १८ टिमको सहभागीता रहेको थियो ।
चैत्र १६ गते, २०७७ मा प्रकाशित
