केशब घिमिरे
फुदवाङ, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ७ खाँचीकोटको फुदवाङमा ओली नेकपा एमाले सम्बद्ध अखिल नेपाल महिला संघ वार्ड समिती पनि गठन भएको छ । आज भएको वार्ड भेला बाट एमालेका महिलाहरुको संगठन अखिल नेपाल महिला संघ खांचिकोट वार्ड समिती गठन भएको हो ।
समितिको संयोजकमा दुर्गा कंडेल र उप संयोजकमा लक्ष्मी सेजवाल चयन भएका छन । समिती अन्य पदाधिकारी सहित २५ सदस्यिय रहेको छ ।
अनेम संघको वार्ड भेलामा प्रमुख अथिती लक्ष्मण कडेल , अथितिमा बिष्णु आचार्य , मेनुका पौडेल , अनेम संघ केन्द्रिय सदस्य र नगर संयोजकको उपस्थिती थियो भने भेलाको सन्चालन मेनुका पौडेलले गरेकी थिइन ।
संगठन बिस्तारको दौडाहामा लागेको नेकपा एमाले ओली समूह यती बेला तिब्र रुपमा भातृ तथा सुभेच्छुक संघ संस्था समितिहरु पुनर्गठनमा सक्रिय रहेको छ । पार्टी चुर्लुम्म बिबादमा डुबेर फुटको संघारमा पुगेको बेला ओलि समूह र खनाल नेपाल समूह आफ्नो गुटगत भेला र सांगठनिक गतिबिधिमा सक्रिय रहेका छन् ।
चैत्र २३ गते, २०७७ मा प्रकाशित
