युवराज पौडेल
जुकेना, अर्घाखाँची (अर्घाखाँचीडट्कम) । अर्घाखाँची जिल्लाको शितगगां नगरपालिका वार्ड नम्बर ५ जुकेनाको सुधा मावीको सामुदायिक वनमा भीषण आगलागी भएको छ। भने वन नजिकका बस्तिमा लागेको आगलागीका कारण २ घर गोठ जलेर नष्ट भएका छन् ।
स्थानीय राज अधिकारीले अर्घाखाँचीडट्कमलाई जानकारी गराए अनुसार छापडाँडामा आगलागीका कारण २ घर गोठ जलेर नष्ट भएका छन् ।
दिउसोदेखि आगजनी भएको र हावाहुरीले गर्दा आगो नियन्त्रण बाहिर गएको थियो । करिव तीन बजे स्थानीय बासिन्दा ईलाका प्रहरी ठाडा सुधा माबिका विद्यार्थीको ठुलो प्रयासपछि आगो नियन्त्रणमा आएको छ ।
ठूलो जनधनको क्षती हुनबाट जोगिएको छ आगो के कसरी, कसले लगाएको भने अहिलेसम्म खुलेको छैन ।
यसैगरि केही दिन अगाडि जुकेना कालिमाटी सामुदायिक बन गल्दा भालुखोला सामुदायिक बनमा आगजनी भएको थियो ।
उता शितगगां गाउँपालिकाका विभिन्न वार्डमा दैनिक जसो आगलागीका घटनाहरु भईरहेका देखिन्छन् ।
बैशाख ६ गते, २०७८ मा प्रकाशित
