अर्घाखाँचीडट्कम संवाददाता
मैदान, अर्घाखाँची (अर्घाखाँचीडट्कम) । अर्घाखाँची जिल्लाको पाणिनी गाउँपालिका वार्ड नम्बर ५ मैदानका बेपत्ता तीन बालिका घर फर्किएका छन् ।
अर्घाखाँचीडट्कममा समाचार प्रकासित भएपछि उनिहरुलाई पाल्पा जिल्लाको रैनादेवी छहरा गाउँपालिकाको ढुकुरखोलामा फेला पारीएको हो । डट्कमको समाचार र फोटोको हुलियाका आधारमा ढुकुरखोलाका बासिन्दाले उनिहरुलाई नियन्त्रणमा लिएका थिए । उनिहरुलाई कुनै प्रलोभनमा कसैले बाहिर लैजान लागेको आशंका प्रहरीले गरे पनि ति किशोरीसँग अरु कुनै अरु व्यक्ति प्रकाउ परेको छैन् ।
मैदानका अन्दाजी १४ – १५ वर्षिया तीन बालिकाहरु पुजा घिमिरे, दिपा बेल्वासे र निशा घिमिरे शुक्रबार अपरान्ह ३ बजेदेखि बेपत्ता भएका थिए ।
विधालयले आयोजना गरेको विदाई कार्यक्रममा गएका ति तीन बालिकाहरु शनिबार दिउसोसम्म संपर्क न आउदा परिवार चिन्तित रहेका थिए ।
अर्घाखाँचीमा पछिल्लो समय युवा युवती बेपत्ता हुने क्रम बढेको देखिन्छ ।
बैशाख १२ गते, २०७८ मा प्रकाशित
