हरिप्रसाद भुसाल
खिल्जी, अर्घाखाँची । अर्घाखाँची जिल्लाको भूमिकास्थान नगरपालिका वार्ड नं. ६ खिल्जीमा भीषण आगलागी भएको छ ।
आगलागीका कारण पिताम्वर श्रेष्ठ, भूवन श्रेष्ठ लगायतको घरथारो जलेर नष्ट भएको वडाअध्यक्ष झविलाल बन्जाडेले जानकारी दिनुभयो ।
आगलागी नियन्त्रणको लागि स्थानीयहरु सहित खिल्जी प्रहरी चौकीका प्रहरीहरु लागिरहेपनि आगो नियन्त्रण बाहिर रहेको बन्जाडेले बताउनुभयो ।
आगलागीले ठूलो धनको क्षेती गरेको भएपनि हालसम्म कुनै मानविय क्षेती भएको छैन । आगलागी नियन्त्रणको लागि सन्धिखर्क नगरपालिकाको दकमल त्यसतर्फ जाँदैछ ।
घटनाको विस्तृत विवरण आउन बाँकी छ ।
बैशाख १८ गते, २०७८ मा प्रकाशित
