अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको भूमिकास्थान नगरपालिका वार्ड नम्बर २ ढाकावाङकी एक महिलाको कोरोना संक्रमणका कारण पोखरामा निधन भएको छ ।
ढाकावाङकी ४४ वर्षीया मिना खनालको कोरोना संक्रमणका कारण पोखरामा निधन भएको हो ।
उनी दाङ जिल्ला लमही नगरपालिका -५ लमहीमा बस्दै आएकी थिईन् । उनलाई गण्डकी प्रदेश कोरोना अस्पताल पोखरामा हेलिकप्टरबाट ल्याइएको थियो ।
उनका श्रीमान लिला खनाल राप्ती फिड इ प्रा लिका अध्यक्ष, एपेक्स ह्याचरी प्रा लि का प्रोपाइटर, देउखुरी उद्योग वाणिज्य सङ्घका पूर्व अध्यक्ष तथा नेपाली कांग्रेसका नेता पनि हुन् ।
बैशाख २५ गते, २०७८ मा प्रकाशित
