काठमाडौं । प्रधानमन्त्री केपी शर्मा ओली प्रतिनिधि सभाबाट विश्वासको मत लिन असफल हुनुभएको छ । प्रतिनिधि सभाको बहुमत सदस्यको विश्वास गुमाएसँगै उहाँको नेतृत्वमा रहेको सरकार गिरेको छ ।
प्रधानमन्त्री ओलीले आज बसेको प्रतिनिधि सभाको बैठकमा आफूलाई प्रतिनिधि सभाका सदस्यहरुको विश्वास रहेको छ भन्ने प्रस्ताव राख्नुभएको थियो । तर उहाँले आफ्नै पार्टी एमालेकै पनि पूरै मत पाउन सक्नुभएन ।
प्रतिनिधि सभाले दिएन प्रधानमन्त्री ओलीलाई विश्वासको मत, नयाँ सरकार निर्माणको बाटोमा मुलुक उहाँले उपस्थित २ सय ३२ मध्ये जम्मा ९३ मत मात्र पाउनुभएको छ । यस्तै उहाँको विपक्षमा १ सय २४ मत पर्दा तठस्थमा १५ मत परेको छ ।
उहाँका विपक्षमा प्रमुख प्रतिपक्षी नेपाली कांग्रेस, नेकपा माओवादी केन्द्र, जनता समाजवादी पार्टी उपेन्द्र यादव पक्ष, राष्ट्रिय जनमोर्चा र नेपाल मजदुर किसान पार्टीका सांसदहरूले मत दिनुभयो ।
प्रधानमन्त्री ओलीलाई भने उहाँकै पार्टी एमालेको उहाँ पक्षीय सांसदले मात्रै मत दिएका थिए । एमालेकै माधव नेपाल पक्षका सांसदहरुले भने बैठकमा उपस्थित नहुने निर्णय गरेका थिए ।
नेकपा विघटित भई नेकपा एमाले ब्युतिएसँगै उक्त पार्टीमा अध्यक्ष ओली र नेता नेपाल पक्षबीच किचलो चर्किएको छ । ओलीले नेपाल पक्षका नेता कार्यकर्तामाथि कार्वाहीको सिलसिला चलाउनुभएको छ भने नेपाल पक्षले समानान्तर गतिविधि गर्दै आएको छ ।
प्रतिनिधि सभाले दिएन प्रधानमन्त्री ओलीलाई विश्वासको मत, नयाँ सरकार निर्माणको बाटोमा मुलुक यस्तोमा विश्वासको मत लिने भए पार्टीलाई २०७५ जेठ २ को अवस्थाबाट सञ्चालन गर्नुपर्ने, आफ्ना पक्षका नेता कार्यकर्तामाथि गरिएको कार्वाही फिर्ता लिनुपर्ने माग नेपाल पक्षले राखेको थियो । तर अध्यक्ष ओलीले नमान्दा नेपाल पक्षका सांसदले बैठकमै उपस्थित नहुने निर्णय गरेका थिए ।
ओलीले संसदबाट विश्वासको मत नपाएसँगै मुलुक नयाँ सरकार निर्माणको बाटोमा लागेको छ । अब संविधानको धारा ७६ अन्तर्गत उपधारा २ अनुसारको सरकार बनाउनुपर्ने माग विपक्षी दलहरुले राखिरहेका छन् ।
तर राष्ट्रपतिले सरकार गठनका लागि कसरी आह्वान गर्नुहुन्छ भन्नेतर्फ सबैको ध्यान गएको छ । इमेजखबरमा समाचारर छ ।
बैशाख २७ गते, २०७८ मा प्रकाशित
