माधब खनाल
ढाकावाङ, अर्घाखाँची (अर्घाखाँचीडट्कम) । अर्घाखाँचीको भुमिकास्थान नगरपालिका वार्ड नम्बर १ ढाकावाङको ठुलाखोला छहराको भिरमा एक युवा मृत फेला परेका छन् ।
ढाकावाङको गिठाखोला चुकाहाका प्रेमबहादुर नेपालीका छोरा अन्दाजी ३३, ३४ वर्षिय गोपाल बहादुर नेपाली ठुलाखोला छहराको भिरमा मृत फेला परेका हुन् ।
बिगत ३ दिन देखि परिवारदेखि सम्पर्क बिहिन भएका नेपाली ठुलाखोला छहराको भिरमा घोप्टो अबस्थामा मृत अबस्थामा फेला परेको ढाकावाङ्ग प्रहरी चौकीका इन्चार्ज मानबहादुर बस्नेतले अर्घाखाँचीडट्कमलाई बताउनुभयो ।
शब मोटरबाटोबाट करिब २०० मिटर तल भिरमा फेला परेको छ ।
मृतक नेपालीको शवलाई पोस्टमाटमको लागि जिल्ला अस्पताल सन्धिखर्कमा लगिएको छ । घटनाको अनुसन्धान भईरहेको प्रहरीले बताएको छ ।
जेष्ठ ८ गते, २०७८ मा प्रकाशित
