अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर १२ डिभर्नाका एक युवाले विपन्न परिवारका कोरोना संक्रमित वा कुनै विरामीलाई निशुल्क ट्याक्सी सेवा दिने भएका छन् ।
सन्धिखर्क नगरपालिका वार्ड नम्बर १२ डिभर्नाका भुवन बस्यालले विपन्न परिवारलाई अस्पताल लैजान र ल्याउनको लागि निशुल्क ट्याक्सी सेवा दिने भएका हुन् ।
उनले आफुले २४ सै घण्टा विपिन्न परिवार तथा बिरामीहरुलाई निशुल्क ट्याक्सी सेवा दिने बताए।
देशभर तथा आबशकता अनुसार घुम्न आउने जानेहरुको लागी जती बेला पनि उनले आफ्नो सेवा दिदै आएका उनले बिश्व भर फैलिएको कोभिड १९ रोगबाट जिल्ला लकडाउन भएको, यस बिषम अबस्थामा उनले आफ्नो ट्याक्सी सेवालाई लकडाउन अवधि सन्धिखर्क नगरपालिका -१२ भित्रका गरीब विपिन्न परिवार तथा बिरामीहरुलाई निशुल्क सेवा दिने र कुनै शुल्क नलिने गरी जती बेला पनि उक्त फ्री सेवा लिन सकिने जानकारी गराए ।
उनलाई ९८५७०६६५४३ नम्बरमा संपर्क गर्न सकिनेछ । बस्यालले जिल्लामा विपन्न गरिव परिवारलाई बेला बेलामा सहयोग गर्दै आएका देखिन्छन् ।
जेष्ठ ९ गते, २०७८ मा प्रकाशित
