बैशाख २६ गते, २०६७ मा प्रकाशितभक्तपुर – उच्चमाध्यमिक शिक्षा परिषद्ले लिने कक्षा १२ को स्थगित परीक्षा आगामी जेठ २ गतेदेखि हुने भएको छ।
परिषद्को परीक्षा सञ्चालन समितिको आज बसेको बैठकले सो निर्णय गरेको परिषद्का उपाध्यक्ष एवं समितिका अध्यक्ष प्रा.डा उपेन्द्र कोइरालाले जानकारी दिनभयो। एनेकपा माओवादीको आमहडतालका कारण यही वैशाख १६ देखि सुरु भएको परीक्षामा अवरोध पुगेपछि वैशाख २० गतेदेखिको परीक्षा स्थगन भएको थियो।
वैशाख १६, १७ र १९ गते परीक्षा हुन नसकेको केन्द्रमा जेठ ११ र १२ गते उक्त परीक्षा हुने छ। त्यसैगरी कक्षा ११ को परीक्षा आगामी जेठ १६ देखि २७ गतेसम्म सञ्चालन हुने भएको छ।
