नवीन रसाइली
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क स्थित शान्ति बगैंचामा राष्ट्रिय दलित पत्रकार संघको स्थापना दिवसको अवसरमा दिप प्रज्वलन कार्यक्रम सम्पन्न भएको छ ।
सन्धिखर्कको शान्ति बगैंचामा राष्ट्रिय दलित पत्रकार संघले दिप प्रज्वलन गर्दै कोरोनाबाट ज्यान गुमाएका प्रति श्रद्धाञ्जली तथा संक्रमितलाई सिघ्र स्वास्थ लाभको कामना गरेको हो ।
कार्यक्रम अध्यक्ष सागर परियारको अध्यक्षतामा सञ्चालन भएको थियो । कार्यक्रममा नेपाल पत्रकार महासंघ जिल्ला शाखा अर्घाखाँचीका अध्यक्ष अशोक खनाल, पत्रकार मुक्तिनाथ भुसाल, पत्रकार बसन्त श्रेष्ठ, राष्ट्रिय दलित पत्रकार संघ जिल्ला शाखा अर्घाखाँचीका सचिव अयन विश्वकर्मा, सदस्य विक्रम नेपाली, सरु सुनार लगायतका साथीहरूको उपस्थित रहेको थियो । दिप प्रज्वलन गर्दा सबैले सामाजिक दुरी कायम गरेका थिए ।
राष्ट्रिय दलित पत्रकार संघले आज २ वर्ष पूरा गरेको छ । यश उत्सवको अवसरमा राष्ट्रव्यापी कार्यक्रमहरुको भौतिक रुपमा भेला नभई देशव्यापी संघको केन्द्रीय कमिटी, प्रदेश र जिल्ला कमिटीहरुले कोरोना महामारीबाट ज्यान गुमाएकाहरुप्रति श्रद्धाञ्जली अर्पण र कोरोना नियन्त्रणको शुभेच्छा सहित जो जहाँ छौँ त्यहीँबाट दिप प्रज्वलन लगायतका विविध कार्यक्रम गर्न आग्रह गरेको थियो ।
जेष्ठ १८ गते, २०७८ मा प्रकाशित
