हरिप्रसाद भुसाल
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिकाले नगरभित्रका विपन्न वर्गका युवाहरुलाई निशुल्कमा कुटानी पिसानी मेसिन हस्तान्तरण गरेकाे छ ।
लक्षित वर्ग तर्फकाे युवा विशेष कार्यक्रम अन्तरगत २ जना युवालाइ मेसिन हस्तान्तरण गरिएकाे हाे ।
नगर प्रमुख कमल प्रसाद भुसाल, उपप्रमुख ठाकुर कुमार विक, र प्रमुख प्रशासकिय अधिकृत नारायण अर्याल लगायतले सनपा २ का गगन भुसाल र सनपा ९ का अमरलाल परियार लाई मेसिन हस्तान्तरण गर्नुभएकाे हाे ।
युवाहरुलाई उद्यमशिल बनाउनका लागि सहयाेग गरिएकाे सन्धिखर्क नगरपालिकाका महिला विकास, जेष्ठ नागरिक तथा बालबालिका प्रमुख बेलकुमारी परियारले जानकारि दिनुभयाे ।
जेष्ठ २० गते, २०७८ मा प्रकाशित
