अर्घाखाँचीडट्कम संवाददाता
दुर्गाफाँट, अर्घाखाँची (अर्घाखाँचीडट्कम) । अर्घाखाँची जिल्लाको पाणिनी गाउँपालिकामा कोरोना संक्रमण नियन्त्रण तिर गएको देखिएको छ ।
पाणिनी गाउँपालिकाका हरेक वार्डमा गरिएको एन्टीजेन परिक्षण विवरण हेर्दा कोरोना संक्रमण नियन्त्रण तिर गएको देखिएको हो ।
आज शनिबार पाणिनी- ४ पटौटीको निगालीमा ९७ जनाको एन्टीजेन परिक्षण गर्दा सबैको नेगेटिभ रिपोर्ट आएको छ ।
साथै यस गाउँपालिकामा अहिलेसम्म सक्रिय कोरोना संक्रमितको संख्या जम्मा ५ जना रहेको छ । यस्तै गत वर्षदेखि आजसम्म संक्रमितको संख्या ९७ जना मात्र छ । जुन जिल्लाको सबैभन्दा कम हो । अन्य पालिकामा २०० बढी रहेको छ ।
यस पालिकामा गतवर्षदेखि हालसम्म ८५ जनाले कोरोना जितेका छन् । भने ७ जनाको ज्यान गएको छ ।
जेष्ठ २२ गते, २०७८ मा प्रकाशित
