अर्घाखाँचीडट्कम संवाददाता
दुर्गाफाँट, अर्घाखाँची (अर्घाखाँचीडट्कम) । अर्घाखाँची जिल्लाको पाणिनी गाउँपालिकाका खोप केन्द्रमा ४२८ जनाले चिनियाँ भेरोसेल कोरोना विरुद्धको खोप लगाएका छन् ।
पाणिनी गाउँपालिकाका खोप केन्द्रमा आज बुधवार ६२ देखि ६४ उमेर समुहका २६८ जना पुरुष र १६० जना महिला गरी ४२८ जनाले चिनियाँ भेरोसेल कोरोना विरुद्धको खोप लगाएका हुन् । जुन यहाँ जम्मा भएको विवरण अनुसार लगभग सबै (९९।०७% ले खोप लगाएका छन् ।
पाणिनी गाउँपालिकामा ४ सय ६५ डोज खोप आएको थियो ।
साथै भेरोसेल खोप लगाउन जाँदा नागरिकता वा उमेर खुल्ने कुनै पनि सरकारी कागजात वा वार्ड कार्यालयले दिएको सिफारिस अनिवार्य गरिएको थियो ।
अर्घाखाँचीमा यस अघि भारतबाट आएको कोभिसिल्ड खोप लगाइएको थियो ।
उता अर्घाखाँचीमा हालसम्म १२ हजार ७ सय ५८ जनाले पहिलो खोप लगाएका छन् । भने ३ हजार २ सय ८७ जनाले दोस्रो अन्तिम डोज पनि लगाई सकेका छन् ।
साथै जिल्लामा कोरोना विरुद्धको खोप लगाउने व्यक्तिमा संक्रमणको दर एकदमै कम रहेको देखिएको छ । भने खोप लगाएका कुनै पनि व्यक्तिको अहिलेसम्म निधन भएको छैन् ।
कोरोना संक्रमणको अवस्था हेर्दा जिल्लाका सबै स्थानिय तहमा कोरोना खोप लगाएका व्यक्तिमा संक्रमण दर एकदमै कमी रहेको देखिनुका साथै एक जना पनि मरेको घटना छैन् । यस्तै अन्य कारणले खोप लगाएका व्यक्ति मरेको देखिएको छ ।
जेष्ठ २६ गते, २०७८ मा प्रकाशित
