बैशाख २७ गते, २०६७ मा प्रकाशितपर्साको गादी 8 रंगपुर टोलका भगन माझीले पालेको सुंगुरले आइतबार विहान हात्तीको छावा जस्तै शारिरीक आकार भएको पाठो जन्माएको छ । माझीले पालेको सुंगुरले पहिलो बेतमा अनौठो पाठो जन्माएको हो । पाठोको तौल करिब 9 किलो रहेको स्थानिय बासिन्दाले बताएका छन् । रंगपुर प्रहरी चौकीले पनि घटना बारे पुष्टी गरेको छ ।
पाठोको हात्तिको जस्तो सुड, कान, मुख, रंग, खुट्टा समेत रहेको थियो । पाठो बिहान 10 बजे जन्मिएको र साँझ 5 बजे मरेको चौकीका प्रहरीले बताए । माझीको सुंगुरले हात्तीको छावा जस्तै सुंगुर जन्माएको खबरले स्थानिय तथा आसपासका गाविसबाट ठूलो संख्यामा अनौठो पाठो हेर्न आउनेहरुको भिड लागेको थियो । सदरमुकाम वीरगन्जबाट करीब 40 किमी उत्तर पश्चिममा उक्त गाबिस रहेको छ ।
