अर्घाखाँचीडट्कम संवाददाता
ठाडा, अर्घाखाँची । कपिलवस्तुको बुद्धभुमी नगरपालिका वार्ड नम्बर-१ भेलाइमा भएको सवारी दुर्घट्नामा परि अर्घाखाँची जिल्लाको शितगंगा नगरपालिका वार्ड नम्बर-१२ सिमलपानीका एक युवाको मृत्यु भएको छ ।
गोरुसिङ्गे-अर्घाखाँची सडकखण्डको भेलाइमा गोरुसिङ्गे देखि अर्घाखाँची आउँदै गरेको लु २३ प १९३६ नम्बरको मोटरसाइकल र अर्घाखाँची देखि गोरुसिङ्गेतर्फ जाँदै गरेको लु ३ च १५ १९ नम्बरको पिकअप भ्यान एक आपसमा ठोक्किदा मोटरसाइकल चालकको सिमलपानीका मृत्यु ३२ वर्षिय रामु बिसीको निधन भएको हो ।
इलाका प्रहरी कार्यालय गोरुसिङ्गेले जानकारी दिए अनुसार अहिले गाडी र चालक प्रहरी कार्यालय गोरुसिङ्गेको नियन्त्रणमा रहेको छ । मृतकको शव पोस्टमार्टमका लागि तैलिहवा पठाइएको प्रहरीले बताएको छ ।
आषाढ़ १ गते, २०७८ मा प्रकाशित
