अर्घाखाँचीडट्कम संवाददाता
ठाडा, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका कोरोना मुक्त नजिक पुगेको छ । यस पालिकामा आज सक्रिय कोरोना संक्रमितको संख्या ६ जना रहेको छ ।
साथै अर्घाखाँचीडट्कमको दैनिक उप्डेट विवरण अनुसार यस अघि पनि शितगंगा नगरपालिकामा अन्य पालिकाको तुलनामा कम संक्रमित थपिएको देखिन्छ । यहाँ गत वर्षदेखि आजसम्म संक्रमितको संख्या ३१४ जना रहेको छ ।
यस्तै गएको २४ घण्टामा ९ जनाले कोरोना जितेका छन् । जस अनुसार यस पालिकामा गत वर्षदेखि आजसम्म २९७ जनाले कोरोना जितेका छन् । भने १ जना आत्महत्या सहित ११ जनाको निधन भएको छ ।
आईतबारको जिल्लाको कोरोना विवरण
जिल्लामा आजसम्म सक्रिय कोरोना संक्रमितको संख्या १७३ जना पुगेको छ । जसमा सन्धिखर्क नगरपालिकामा ५७ जना, भूमिकास्थान नगरपालिकामा २४, शितगंगा नगरपालिकामा ६, मालारानी गाउँपालिकामा २८, पाणिनी गाउँपालिकामा ३० र छत्रदेव गाउँपालिकामा २८ जना संक्रमित रहेका छन् ।
जिल्लामा गत वर्षदेखि आजसम्म संक्रमितको संख्या २५२५ जना पुगेको छ । जसमा सन्धिखर्क नगरपालिकामा १०७० जना, भूमिकास्थान नगरपालिकामा ४७२, शितगंगा नगरपालिकामा ३१४, मालारानी गाउँपालिकामा २३७, पाणिनी गाउँपालिकामा १९१ र छत्रदेव गाउँपालिकामा २४१ जना संक्रमित रहेका छन् ।
गएको २४ घण्टामा ९ जनाले कोरोना जितेका छन् ।
जिल्लामा गत वर्षदेखि आजसम्म २२८७ जनाले कोरोना जितेका छन् । जसमा सन्धिखर्क नगरपालिकामा ९९५ जना, भूमिकास्थान नगरपालिकामा ४३३, शितगंगा नगरपालिकामा २९७, मालारानी गाउँपालिकामा १९९, पाणिनी गाउँपालिकामा १५३ र छत्रदेव गाउँपालिकामा २१० जनाले कोरोनालाई जितेका हुन् ।
यस्तै जिल्ला प्रशासन कार्यालयका अनुसार काेराेना संक्रमणका कारण जिल्लामा गतवर्षदेखि हालसम्म ६५ जनाको ज्यान गएको छ । जसमा सन्धिखर्क नगरपालिकामा १८ जना, भूमिकास्थान नगरपालिकामा १५, शितगंगा नगरपालिकामा १ जना आत्महत्या सहित ११, मालारानी गाउँपालिकामा १०, पाणिनी गाउँपालिकामा ८ र छत्रदेव गाउँपालिकामा ३ जना संक्रमित रहेका छन् ।
आईतबारको जिल्लाको कोरोना विवरण यस्तो छ:
आषाढ़ १३ गते, २०७८ मा प्रकाशित
