सन्धिखर्क, अर्घाखाँची – अर्घाखाँचीको ढाकावाङ गाविस-७ मा बिहीबार साँझ भएको जीप दुर्घटनामा १५ जना घाइते भएका छन् । घाइतेमध्ये छजनाको अवस्था गम्भीर छ ।
सन्धिखर्कबाट ढाकावाङ जाँदै गरेको लु १ ज १३७७ नम्बरको जीप ढाकावाङ -७ ढावाचौरमा दुर्घटना भएको हो ।
गम्भीर घाइते हुनेहरूमा नौ दिनका बालक, ढाकावाङका माया बस्नेत, श्यामकला विक, सुनिता परियार, रीमा थापा, सरस्वती परियार रहेका छन् ।
घाइते सबैको उपचारका लागि जिल्ला अस्पताल सन्धिखर्कमा ल्याइएको छ ।
जेष्ठ ७ गते, २०६७ मा प्रकाशित
