प्रेमनारायण आचार्य
सन्धिखर्क, अर्घाखाँची । अर्घाखाँची जिल्लाको सन्धिखर्क नगरपालिका १ तुमकाेटमा अर्घाखाँची र आसपासमा गाईने भजनकाे संंग्रह पुस्तककाे विमाेचन गरिएको छ ।
उत्तर कुमार पराजुलीको सम्पादनमा प्रकाशित भजन संग्रहको अाज एक कार्यक्रमका बिच सन्धिखर्क १ का वडा अध्यक्ष युवराज बन्जाडे र लुम्बिनी वांगमय प्रतिष्ठानका सचिव जेवी दर्लामीले विमाेचन गर्नु भएको हाे ।
कार्यक्रममा वडाअध्यक्ष युवराज बन्जाडे, लुम्बिनी वांगमय प्रतिष्ठानका सचिव जेवी दर्लामी, सदस्य लक्ष्मण पराजुली , शिक्षा विकास तथा समन्वय इकाईका प्रमुख मणिराम पराजुली लगायतले मन्तव्य राख्नु भएको थियोे । पुस्तककाे टिप्पणी साहित्यकार युगल नारायण बसेलले गर्नुभएको थियो ।
कार्यक्रममा चौरासी गरेका बृद्धहरुलाई सम्मानस्वरुप च्यावनप्राँस बितरण गरिएको थियो । कार्यक्रम जीवलाल पराजुलीको अध्यक्षता र जनक वस्यालकाे सञ्चालनमा सम्पन्न भएको हाे ।
श्रावण १५ गते, २०७८ मा प्रकाशित
