अर्घाखाँचीडट्कम संवाददाता
दिल्ली (अर्घाखाँचीडट्कम) । अर्घाखाँची जिल्लाको भूमिकास्थान नगरपालिका वार्ड नम्बर ९ ढिकुराका क्यान्सर पीडित एक बालकको उपचारका लागि आर्थिक समस्या परेको छ ।
ढिकुराका भिम बहादुर रायमाझीका ५ वर्षिय बोन म्यारो क्यान्सर पीडित छोरा आयुस रायमाझीको उपचारका लागि आर्थिक समस्या परेको हो । अहिले उनको अल इंडिया इंस्टीट्यूट ऑफ मेडिकल साइंसेज दिल्लीमा उपचार चलेता पनि पैसाको अभावले घर फर्कने अवस्थामा पुगेको छ ।
उपचारमा रेखदेख गर्दै आएका खाप्डाँडाका नारायण शर्माका अनुसार रायमाझीका परिवारको आर्थिक अवस्था सार्है दयनिय रहेको छ । उनिहरुले दिल्ली स्थित नेपाली राजदुतबासमा अनुरोध गरेर केही शुल्क छुट वा निशुल्क गर्न सिफारिस गराएता पनि अस्पतालले कुनै छुट दिएको छैन् । पैसाका कारण अब उनको उपचार रोकिएको छ ।
आयुसलाई क्यान्सर भएको ३ वर्ष अगाडि थाहा भएको थियो । उनको सोही समयदेखि पैसा ऋण गरी, सम्पत्ति बेच्दै उपचार चल्दै आएको थियो ।
दिल्लीमा रोजगारीका लागि बसेका बाबु भिम बहादुर रायमाझी र आमा सावित्रा रायमाझीले आफ्नो छोरालाई बचाउन सक्दो सहयोग गर्न अनुरोध गरेका छन् ।
कसैले आयुस रायमाझीलाई बचाउन सहयोग गर्नुपरेमा ८८६०३९९०१० नम्बरमा संपर्क गर्न सकिने बताइएको छ ।
श्रावण २० गते, २०७८ मा प्रकाशित
