छोरीको बिहेमा सर्प दाइजो

पूर्व इनरुवाका अजिमले आफ्नी छोरी सबिलाको बिहेमा सकेजति सामान दिए तर कसैको पनि चित्त बुझेन। जतिसुकै महँगो र बढी सामान दिए पनि एउटा सर्प नदिँदा दुवै परिवारमात्र होइन उनको समुदायले नै अजिमले छोरीलाई केही नदिएजस्तो लाग्यो ।बिहे भएको तीन महिनापछि उनले ज्वाइँलाई दाइजोस्वरूप आफूसित रहेको चारवटामध्ये एउटा सर्प दिए । गाउँकै अफार मोहम्मदलाइ छोरी दिएका अजिमले भने, अब चित्त बुझेको छ, छोरी खुसीसाथ ज्वाइँसित छे ।