अर्घाखाँचीडट्कम संवाददाता
वाणगंगा, कपिलवस्तु (अर्घाखाँचीडट्कम) । कपिलवस्तु जिल्लाको बनगाई स्थित कपिलधाम कोईलीखोला (कजवे)ले बगाएर बेपत्ता अर्घाखाँची जिल्लाको भुमिकास्थान नगरपालिका वार्ड ३ धारापानीका एक युवाको खोजी कार्य तिव्र पारीएको छ ।
प्रहरीले बिहीवार बनगाई स्थित कपिलधाम कोईलीखोला (कजवे) ले बगाएर बेपत्ता धारापानीका ४५ वर्षिय पशुपति पौडेलको खोजी कार्य तिव्र परेको हो । पौडेललाई शुक्रबार दिउसोसम्म फेला पार्न नसकेको प्रहरीले बताएको छ । प्रहरीका अनुसार घटनास्थलदेखि ४ किलोमीटर लक्ष्मणघाटसम्म खोज्दा पनि फेला पर्न सकिएको छैन् ।
पौडेल धारापानीबाट आमा बुबा सहित आफ्नो साथीको ब्यक्तिगत गाडीमा बुटवल तर्फ जाँदै गर्दा डोहोंटेबाट बनगाई निस्कने क्रममा बाटोमा पर्ने कपिलधाम कोईलीखोलाले बगाएर बेपत्ता भएका थिए ।
खोलो आएको देखेपछि उनले गाडीलाई खोला साईडमा राखेर कत्रो खोला रहेछ यसो चेक गर्नु पर्यो भनेर नदिको किनारामा आउन खोज्दा कजवेको छेउबाट एक्कासी नदिमा परेका र निजलाई खोलाले लगेको देखेका र उनलाई बचाउन पौडन सक्नेहरु खोलातर्फ बचाउन कोसिस गरेका थिए। तर हेर्दाहेर्दै खोलाले भासेर देख्न नै नसकिएको र हेर्दाहेर्दै बेपत्ता भएको स्थानीय प्रत्यक्षदर्शीलाई उदृत गर्दै नेपाल पत्रकार महासंघ कपिलवस्तु शाखाका निबर्तमान अध्यक्ष डिलाराम भुसालले बताए ।
पौडेलले केही बर्षदेखि अर्घाखाँचीबाट बसाइँसराइ गरि बुटवलमा ब्यबसाय गर्दै आएका थिए । उत छोरा बेपत्ता भएपछि बुबा आमा अर्धचेत अबस्थामा रहेका छन् ।
तस्बिर, विवरण: सहयोगी बि. सी.
श्रावण २९ गते, २०७८ मा प्रकाशित
