काठमाडौँ — जापान सरकारले नेपाललाई अनुदानमा उपलब्ध गराएको १६ लाख एस्ट्राजेनेका खोपमध्ये बाँकी आधा (करिब ८ लाख डोज) शनिबार र सोमबार आइपुग्ने भएको छ । काठमाडौंस्थित जापानी राजदूतावासले बिहीबार विज्ञप्ति जारी गर्दै बाँकी रहेको ८ लाख खोप छिट्टै आउन लागेको बताएको हो ।
जापान सरकारले १६ लाख १४ हजार ७४० खोप सहयोग गरेको हो । त्यसमध्ये आधा खोप (करिब ८ लाख डोज) साउन २३ र २४ गते काठमाडौंमा आइपुगेको थियो ।
नेपालका लागि जापानी राजदूत किकुता युताकाले खोप सहयोग दुई मुलुक बीचको मित्रताको विम्ब भएको बताएका छन् । उक्त खोप कोभ्यासको सुविधा अन्तर्गत जापान सरकरले दिएको हो । कान्तिपुरमा समाचार छ ।
भाद्र ३ गते, २०७८ मा प्रकाशित
