अर्घाखाँचीडट्कम संवाददाता
खाँचीकोट, अर्घाखाँची (अर्घाखाँचीडट्कम) । निरन्तर परेको भारी वर्षाका कारण पहिरो जाँदा अर्घाखाँची जिल्लाको सन्धिखर्क गाेरुसिंगे सडक लगायत जिल्लाका विभिन्न ठाउँमा अबरुद्ध भएको छ ।
सन्धिखर्क गाेरुसिंगे सडक ठाउँ – ठाउँमा अबरुद्ध हुनुका साथै प्रहरीले पहिरो हटाएर सुचारु गरेको छ । यस्तै ढाकावाङको भुमेकाथानदेखि पिपलनेटा जाने मोटरबाटो अन्तर्गत हाट बजार र पिपलनेटा बजारको बिचमा ढावाचाैरमा गएको पहिरोको लेदे आएर मोटरबाटोमा पहाड बनेर पुर्णरुपमा अवरुद्ध भएको छ।
यस्तै ढिकुरा र खाँचीकोटको बिच नमुना पुल ( टिमुरे खोला) मा पहिरो जाँदा सन्धिखर्क – धनचौर सडक अवरुद्ध भएको छ। साथै सन्धिखर्क – ढाकावाङ, धारापानी, बल्कोट लगायतका सडक पुर्णरुपमा अवरुद्ध भएका छन्।
उता सडकमा पहिरो हटाएता पनि कतिपय स्थानहरुमा सडक माथिबाट ढुङगाहरु खस्न बढी जोखिम रहेको छ ।
तस्बिर: टेकराज भुसाल /अर्घाखाँचीडट्कम
भाद्र १४ गते, २०७८ मा प्रकाशित
