अर्घाखाँचीडट्कम संवाददाता
चुत्राबेसी, अर्घाखाँची (अर्घाखाँचीडट्कम) । अर्घाखाँची जिल्लाको अर्घाखाँची जिल्लाको मालारानी गाउँपालिका वार्ड नम्बर ५ बाँगीको बरमकोटका एक युवा व्यवसायीको मोटरसाइकल दुर्घट्नामा परी निधन भएको छ ।
अर्घाको बिहारा बजार नजिक भएको मोटरसाइकल दुर्घट्नामा परी घाइते भएका बाँगीको बरमकोटका २६ बर्षिय ईश्वरी सुनारको बुटवलको तिनाउ अस्पतालमा उपचारको क्रममा आज बिहिवार बिहान ४ बजे निधन भएको हो ।
ईश्वरी गत शनिवार पिक्निक गएर फर्कने बेलामा अर्घाको बिहार बजार नजिकको सडकमा दुर्घट्नामा परेका थिए । शरिर र टाउकोमा गम्भीर चोट लागेका उनलाई बुटवल रिफर गरिएको थियो ।
साथै ईश्वरीले विगत लामो समयदेखि चुत्राबेसीमा न्यू बाँगी कबिता सुनचाँदी पसल व्यवसाय गर्दै आएका थिए ।
मंसिर २३ गते, २०७८ मा प्रकाशित
