अर्घाखाँचीडट्कम संवाददाता
धरमपानी, अर्घाखाँची (अर्घाखाँचीडट्कम ) । अर्घाखाँची जिल्लाको सन्धिखर्क नगरपालिका वार्ड नं. १० अर्घाको वार्ड कार्यालय लगायत मिनिकोट, धरमपानीमा अज्ञात समुहले तोड्फोड गरी चोरी गरेको छ ।
वार्ड कार्यालय । फोटो: प्रेम नारायण आचार्य
गए राती अर्घाको वार्ड कार्यालय लगायत मिनिकोट, धररमपानीमा अज्ञात समुहले तोड्फोड गरी चोरी गरेको हो ।
वार्ड अध्यक्ष लक्ष्मी नारायाण चुँदालीले डट्कमलाई दिएको जानकारी अनुसार श्री आदर्श आधारभूत विधालय धरमापानी, श्री विधा विकास आधारभुत विधालय मिनिकोट तोड्फोड भएको छ । आदर्श आधारभूत विधालय २२ हजार रुपैया बढी चोरी भएको छ ।
यस्तै धररमपानीको धर्मशालाका अस्मिता आचार्यको पसलबाट ५- ७ हजारको बीचमा रकम, आधा तोला सुन, मोबाईल र रवी आचार्यको ३ हजार ५ सय रुपौया चोरी भएको छ । साथै ताला तोडी वार्ड कार्यालयमा राखिएको ५ हजार बढी रुपैया चोरी भएको छ ।
साथै घटनापछि प्रहरी टोलीले मिनिकोट, धररमपानीमा पुगेको र विवरण लिएको थियो । उता प्रहरीले घटनाको अनुसन्धान गरिरहेको बताएको छ । भने चोरी गर्ने समुहको खोजी गरेको बताएको छ ।
पौष ९ गते, २०७८ मा प्रकाशित
