अर्घाखाँचीडट्कम संवाददाता
अर्घातोष, अर्घाखाँची (अर्घाखाँचीडट्कम) । अर्घाखाँची जिल्लाको मालारानी गाँउपालिका वार्ड नम्बर ६ अर्घातोषको मुसामारेमा नेपाली कांग्रेसको श्रद्धाञ्जली कार्यक्रम सम्पन्न भएको छ।
अर्घातोषको मुसामारेमा स्व. लिलावती भुसालको सम्झनामा कांग्रेसको श्रद्धाञ्जली कार्यक्रम सम्पन्न भएको हो ।
साविक अर्घातोष १ मुसामारे स्थित नेपाली कांग्रेसको कृयाशिल सदस्य डिल्लीराज भुसालको श्रीमती एबं हुमलाल भुसालकी ममतामयी आमा तथा कल्पना भुसालकी सासुआमा लिलावती भुसालको यहि २0७८माघ ६ गतेको दिन ७३ बर्षको उमेरमा उपचारको सिलसिलामा लुम्बिनी प्रादेशिक अस्पताल बुटवलमा निधन भएको थियो ।
श्रद्धाञ्जली कार्यक्रममा नेपाली कांग्रेस मालारानी सभापति शोभाखर खनालले कांग्रेसको अभिभावकको निधनले हामीलाई अत्यन्तै मर्माहत बनाएको छ । उहाँको अभाव पार्टी संगठनमा सधैभरी खड्किरहने छ, आगामी दिनमा उहाँको सपनाहरूलाई पार्टीले पूरा गर्नुपर्ने कुरामा जोड दिनुभएको थियो। साथै यो शोकाकुल परिवारजमा नेपाली कांग्रेस सधैभरी सुख दुःखको सहयात्री बन्ने कुरा समेत प्रष्ट पार्नुभएको थियो।
कार्यक्रममा २ वार्ड सभापति प्रभात कुँवर १ को सभापति भरत थापा लगायतले शोकमन्त्ब्य राख्नुभएको थियो। कार्यक्रम सचिव कुसुम् जिसीको संचालनमा सम्पन्न भएको थियो।
माघ १४ गते, २०७८ मा प्रकाशित
