अर्घाखाँचीडट्कम संवाददाता
गोखुङ्गा, अर्घाखाँची (अर्घाखाँचीडट्कम) । अर्घाखाँची जिल्लाको मालारानी गाउँपालिका वार्ड नम्बर – ९ गोखुङ्गाको देउराली खाेलाकी एक विवाहित युवती बेपत्ता भएकी छिन् ।
गोखुङ्गाको देउराली खाेलाका कमल बहादुर घर्तीकी २२ वर्षिया श्रीमती अमृता राेका घर्ती माघ २८ गते शुक्रबार विहानदेखि बेपत्ता भएकी हुन् । उनको ६ वर्षका मिलन घर्ती छोरा पनि छन् ।
शिक्षक बाेम बहादुर जि.एम. ले अर्घाखाँची डट्कमलाई दिएको जानकारी अनुसार कमल रोजगारीको शिलसिलामा १ वर्षदेखि साउदी अरवियामा रहेका छन् । उनले पटक-पटक गरेर घर खर्चकाे लागि पठाएकाे करिब ८ लाख रुपैया रकम समेत लगेकी छिन् ।
अमृताले शुक्रबार विहान आफ्नी बहिनीलाई छोरा छोडी घरमा केही नबताई बेपत्ता भएकी श्रीमानका साईला बुवा विन बहादुर घर्तिले जानकारी दिए ।
बेपता अमृताको माईती घर पनि सोही वार्डको देउराली खाेलामा पर्छ । उनिलाई माईती घर, छिमेकी, साथीहरु लगायत सबै ठाउँमा खोज्दा फेला नपरेको परिवारले डट्कमलाई बतायो ।
साथै कसैले देखेमा नजिकको प्रहरी कार्यालय वा परिवारको ९८६७२५६७९०, ९८४३८७३३५८, ९८४२२९०६७२ मा संपर्क गरिन सकिने बताइएको छ ।
उता अर्घाखाँचीमा पछिल्लो समय युवती, महिला बेपत्ता हुनेको संख्या बढेको देखिन्छ ।
माघ २९ गते, २०७८ मा प्रकाशित
