अर्घाखाँचीडट्कम संवाददाता
खाँचीकोट, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ७ खाँचीकोटको डिहिडाँडाका समाजसेवी नरेन्द्रविक्रम शाहको निधन भएको छ ।
खाँचीकोटको डिहिडाँडाका समाजसेवी नरेन्द्रविक्रम शाहको गएराती ७५ बर्षको उमेरमा निधन भएको हो ।
नेपाली कांग्रेसका अग्रज स्थानिय नेता शाहको निधन प्रति काङ्ग्रेस अर्घाखाँचीले दुख ब्यक्त गरेको छ । आज बिहान उहाको पार्थिक शरिरमा नेपाली नेपाली काङ्ग्रेस अर्घाखाँचीका सभापति केशब श्रेष्ठले गच्छे घाटमा पुगेर पार्टीकाे झन्डा ओढाई अन्तिम विदाई तथा श्रद्धान्जली अर्पण गरेका थिए ।
यस्तै उपसभापति बाबुराम पौडेल सहसचिव मेघराज पान्डे नगरसभापति बाबुराम भुसाल काङ्ग्रेस खाँचीकोटका सभापति गणेश थापा लगायत दर्जनौं नेता कार्यकर्ताहरु अन्तिम विदाई तथा श्रद्धान्जली दिन गच्छे घाटमा पुगेका थिए ।
फाल्गुन ६ गते, २०७८ मा प्रकाशित
