केशब राज ज्ञवाली
खाँचीकोट अर्घाखाँची (अर्घाखाँचीडट्कम) । सन्धिखर्क नगरपालिका वार्ड नम्बर ७ खाँचीकोटको श्री जनजिवन आधारभुत विद्यालय कुर भालुखोलामा विद्यार्थीहरुलाई न्यानो पोशाक बितरण गरिएको छ ।
सन्धिखर्क नगरपालिका वार्ड नम्बर ७ का सहयोगमा प्राप्त पोषाक आज एक बिशेष कार्यक्रमका बिच बितरण गरिएको हो ।
पोषाक बितरण कार्यक्रममा बोल्दै सन्धिखर्क ७ का वार्ड अध्यक्ष तथा बिशेष अथिती पृतम बहादुर थापाले सरकारी बिधालयहरुको शैक्षिक गुणस्तर सुधार्न आफू लागिपरेको बताए । उनले सरकारले नीति ल्याउन भन्दा पहिले देखिनै आफ्नो वार्डका बिधालयहरुमा दिवा खाजा कार्यक्रम ल्याएको समेत स्मरण गरे ।
यस्तै कार्यक्रमका विशेष अथिती रहेका वार्ड न ७ का वार्ड सदस्य बिष्णु प्रसाद भुसालले पोशाक बितरणले गर्दा अभिभावकलाई पनि बिशेष राहत मिलेको बताए ।
बिद्यालय ब्यबस्थापन समिती अध्यक्ष मुकुन्दराज आचार्यले अध्यक्षता गरेको कार्यक्रममा सन्चालन प्र. अ. रुद्र प्रसाद ज्ञवालीले गर्नुभएको थियो तथा स्वागत मन्तब्य शिक्षक कमला घिमिरेले राख्नुभएको थियो भने कार्यक्रममा बिधालय ब्यबस्थापन समितिका अन्य सदस्यहरु , अभिभावक र स्थानिय सरोकारवालाहरुको उपस्थिती रहेको थियो ।
फाल्गुन १५ गते, २०७८ मा प्रकाशित
