अर्घाखाँचीडट्कम संवाददाता
ठाडा, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड नम्बर ३ का वार्ड अध्यक्ष तथा कांग्रेस शितगंगा नगर सचिव हेमनाथ भुसाल एमालेमा प्रवेश गरेका छन् ।
भुसाललाई नेकपा एमाले शितगंगा नगर अध्यक्ष बन्त श्रेष्ठले विहविार एक कार्यक्रम गरी पार्टी प्रवेश गराएका थिए ।
उता एमालेमा प्रवेशगरेपछि नेपाली काग्रेस अर्घाखाँचीका सभापति केशव श्रेष्ठले शितगंगा सचिव समेत रहेका भुसाललाई कारवाही गरेका छन् । उनले अनुशासन समितिकाे सिफारिस साधारण सदस्य समेत नहुने गरि कारवाही गरिएकाे सभापति श्रेष्ठले बताए ।
स्रोतका अनुसार एमालेले भुसाललाई आगामी स्थानिय निर्वाचनमा पुन: वार्ड अध्यक्ष उठाउने सर्तमा प्रवेश गराएको छ । कांग्रेस अघि बिद्यार्थीकालदेखि एमालेका विभिन्न कमिटीहरुमा रहँदै काम गरेका भुसाल कम्युनिस्ट राजनितिमा लामाे समय रहेका थिए ।
भुसालले विगतमा काग्रेसमा लागे पनि अब आफ्नै घरमा फर्कदा खुशी लागेकाे भुसालले बताएका छन् । उता जिल्लाभर एमाले, कांग्रेसले पार्टी प्रवेश गरेका गलत प्रचार प्रसार गर्दै आएका छन् ।
फाल्गुन २७ गते, २०७८ मा प्रकाशित
