केशब घिमिरे
खाँचीकोट, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ७ खाँचीकोटको मानडाँडा, खानीगाउँ र लामडाँडामा नेकपा (एमाले) को भेला सम्पन्न भएको छ ।
खाँचीकोटको मानडाँडा, खानीगाउँ र लामडाँडामा नेकपा (एमाले) को आज आईतवार भेला तथा पार्टी प्रवेश कार्यक्रम सम्पन्न भएको हो ।
कार्यक्रममा एमाले केन्द्रिय कमिटी सचिव टोप बहादुर रायमाझीले टीका र जिल्ला कमिटी अध्यक्ष पिताम्बर भुसालले खादा लगाएर नेपाली काङ्ग्रेस लगायतका पार्टीबाट ८१ जनालाई नेकपा (एमाले)मा स्वागत गरेका थिए ।
कार्यक्रममा पार्टी नगर कमिटी अध्यक्ष श्रीकृष्ण भुसाल, जिल्ला कमिटी सदस्य कृष्ण श्रेष्ठ लगायतका नेताहरुको उपस्थिती रहेको थियो ।
कार्यक्रम वडा कमिटी अध्यक्ष चुरा के. सी. को अध्यक्षता र नगर कमिटी सचिवालय सदस्य तथा वडा लक्ष्मण कँडेलको संचालनमा सम्पन्न भएको थियो ।
फाल्गुन २९ गते, २०७८ मा प्रकाशित
