अनिल नेपाली | अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर १ शान्तिबगैचा स्थित शिव मन्दिरको परिसरमा सरसफाई कार्यक्रम सम्पन्न भएको छ ।
शान्तिबगैचा स्थित शिव मन्दिरको परिसरमा जिल्ला प्रहरी कार्यालय अर्घाखाँची र जिल्ला सरकारी वकिल कार्यालय अर्घाखाँचीको संयुक्त आयोजनामा सरसफाई कार्यक्रम सम्पन्न भएको हो ।
लामो समयदेखि प्रहरी सामmेदारी कार्यक्रम मार्फत जिल्लाका विभिन्न ठाँउमा सरसफाई लगायतका समुदायलाई सचेतीकरणको अभियान मार्फत कार्यक्रम गरेको प्रहरीले आज सदरमुकाम सन्धिखर्कमा सरसफाई गरेको हो । सरसफाई कार्यक्रम पनि प्रहरी साझेदारी कार्यक्रम अन्तर्गत गरिएको जिल्ला प्रहरी कार्यालय अर्घाखाँचीका प्रहरी निरिक्षक तथा सुचना अधिकारी गणेश खनालले बताउनुभएको छ
सरसफाई कार्यक्रममा शान्तिबगैचा स्थित शिव मन्दिरको परिसरमा जिल्ला प्रहरी कार्यालय अर्घाखाँचीका प्रहरी कर्मचारी र सरकारी वकिल कार्यालय अर्घाखाँचीका कार्मचारीहरुको उपस्थिति रहेको थियो ।
चैत्र १३ गते, २०७८ मा प्रकाशित
